SASALANG sa general court martial si Col. Audie Mongao matapos ang kontrobersyal na pahayag umano nitong pag-withdraw ng suporta sa administrasyon.

Kinumpirma ni Antonio Nafarrete, commanding general ng Philippine Army, na tapos na ang imbestigasyon at inihahanda na ang proceedings.

“He is already here for general court martial. We are preparing for it,” ani Nafarrete sa briefing sa Fort Bonifacio, Taguig.

Ang posibleng kaso: paglabag sa Article of War 63 o “disrespecting the President,” matapos kumalat sa social media ang screenshot ng umano’y mensahe ni Mongao na nagsasabing, “Sobra na, tama na! The Filipino people is worth fighting for. Mabuhay!”

Nauna nang sinibak si Mongao sa pwesto at inilagay sa attached/unassigned status.

Nilinaw ni Nafarrete na hindi ito hakbang upang patahimikin ang hanay ng kasundaluhan.

“We have standards as part of the military organization,” aniya, sabay tiyaking mabibigyan ng patas na paglilitis ang opisyal.

(JESSE RUIZ)